بە ڕاپۆرتی ئاژانسی هەواڵی مێهر، لە درێژەی سیاسەتی دوژمنکارانەی واشنتۆن لە دژی کۆماری ئیسلامی ئێران، وەزارەتی خەزێنەی ئەمریکا سزای نوێی بەسەر ئێراندا سەپاند.
کەناڵی ئەلجەزیرە بڵاویکردەوە، فەرمانگەی کۆنترۆڵکردنی سەروەت و سامانی دەرەکی سەر بە وەزارەتی خەزێنەی ئەمریکا لە بەیاننامەیەکدا ڕایگەیاند کە کەسێک و چوار ڕێکخراوەی ئێرانی پەیوەست بە پیشەسازی سەربازی و فڕۆکەی بێفڕۆکەوان بۆ لیستی سزاکانی زیادکردووە.
لە بەیاننامەکەی وەزارەتی خەزێنەی ئەمریکادا هاتووە، فەرمانگەی کۆنترۆڵکردنی سەروەت و سامانی دەرەوەی ئەمریکا (OFAC) لە وەزارەتی خەزێنەی ئەمریکا چوار لایەنی پەیوەندیدار بە کۆمپانیای ڕایان ڕوشد ئەفزار (RRA) کە لەلایەن ئۆفاکەوە سزای بەسەردا سەپێنراوە، خستە لیستی سزا نوێیەکانی خۆیەوە.
Your Comment